Asawa sapon nga ‘nakig-sex’ napatay

PATAY ang kaipon human maoy nadunggaban dihang gihimong taming niadtong Hulyo 22, 2018 mga alas 6:00 sa gabii diha sa Sitio Monigue, Barangay Mambuaya ning siyudad sa Cagayan de Oro.

Samad sa dughan ang naangkon sa biktima nga si Cecile (bansagong gitago), 35 human nadunggaban ni Celio Villa, 47, kinsa kaipon sa biktima.

Nisibat usab ang lalaki nga si Ruel Thomas, 36, lumad nga taga Cotabato City kinsa giingong usa ka kundoktor ug giingong uyab sa biktima.

Sa pakighinabi sa Sun.Star Superbalita ngadto kang SPO2 Allen Tamayo sa Police Station 8 (PS8) sa Lumbia nasuta nga nasapon sa suspek ang iyang kaipon ug si Thomas sulod sa payag sa nahisgutang dapit hinungdan nga iyang nahinaykan.

Sa wala pa mahitabo ang maong insidente nasapon na sa suspek ang iyang kaipon ug si Thomas nga nagtagay sa lawasnong kalipay apan gipasaylo niini gani gihulatan pa kini nga mahuman sa ilang gihimo kini matud pa sa dakong gugma nga iyang gibati sa kaipon.

“Before sa panghitabo nasapon pa niya nga nag sexual intercourse wala nalang siya, mipauli sila, gihuman pa gani daw nila ilang gihimo.” tipik sa pahayag ni SPO2 Tamayo.

Gihatagan niini og higayon gumikan na usab kay lage gugmahan man kini apan sa dihang nasapong nag-uban pagbalik wala na kini makaantos ug nahimo ang krimen.

Giingong natingala kining suspek nga nawala ang kaipon sulod sa duha ka mga adlaw samtang niuli gikan sa trabaho ug nasutang nag-uban kini pagbalik ni Thomas human aduna’y nakakita sa duruha.

“Didto nakita niya ang lalaki nga nag-uban sa iyang kaipon dunggabon unta niya pero gihimo og taming ang baye" tipik sa pahayag niini.

Kasamtangang anaa sa bilanggoan sa PS8 sa Lumbia ang suspek kinsa posibleng mag-atubang sa kasong homicide.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph