SECTIONS
Thursday August 16, 2018
SUPERBALITA CAGAYAN DE ORO

Team sa MisOr Cares mohatod serbisyo karon sa Lagonglong

HUMAN wala mahatod niaging semana ang batakang serbisyo nga alang unta sa taga Lagonglong gumikan sa daot nga panahon, karon adlawa gitakdang mahinayon.

Adlawng Martes sa Hulyo 24 magpanon ang mga ulo sa Departamento sa kapitolyo ngadto sa Lungsod sa Lagonglong aron ipadayon ang programa ug serbisyo nga itunol.

Matud ni Governor Yevgeny Vincente Emano nga sulod sa upat ka tuig padayon ang pagbarog sa Misamis Oriental Cares Sytem.

Gipahibalo niini nga moabot ngadto sa 1.2 milyon nga serbisyo ang natunol sa programa.

"Kung imong kwentahon moabot sa 800 ka mga tawo ang nahatagan og serbisyo sa atong tibouk MisOr Cares Extension Office kalungsoran sa matag adlaw." Matud ni Gov. Bambi.

Gibutyag niini nga sa pagsugod sa MisOr Cares dili ingon ana kapaspas kay gitouhan sa katawhan nga dili kini masustinihan apan karon nga niabot na og upat ka tuig naka adjust na ang tanan ug ang katawhan nga gapanginahanglan ang mao nay modoul aron maka-avail sa mga program sa MisOr Cares.

Moabot sa 40 ngadto 60 porsiyento sa panudlanan sa Kapitolyo gibubo sa MisOr Cares.

"Sa pagkakaron igo naman, bisan duna kitay nakitang mga ginagmay nga kakulangon pero igo na ang budget sa MisOr Care para karon nga tuig kay ang atong panudlanan sa probinsya mogahin og 40 ngadto sa 60 porsiyento alang sa MisOr Cares." Matud niini.

Niaging semana atol sa kasaulogan sa MisOr Cares 4th Anniversary usa sa labing dakong kalihokan ang pagkasal sa 114 ka paresan sa mga nag-ipon gikan sa lungsod sa Lagonglong Misamis Oriental nga malampuson napahigayon bisan sa kusog nga ulan. (SVB)


VIEW COMMENTS