SECTIONS
Tuesday, August 20, 2019

Diputado: ‘NoEl, NoAl’

“YOU messed with the wrong girl.”

Mao seguro kini ang tagning kaayo nga nahinumdoman ni kanhi Speaker Pantaleon Alvarez kaniadtong miaging Lunes sa hapon sa wala pa ang SONA ni PRRD samtang naghunahuna siya sa plano nga pagpalagpot kaniya.

Kahinumdoman nga gisulti kini ni Davao City Mayor Sara Duterte-Carpio ngadto ni Alvarez pipila na ka bulan ang nakalabay.

Gipulihan si Alvarez ni PGMA pagka-speaker human makuha ni PGMA ang hustong gidaghanon sa mga kongresista nga misuporta kaniya.

Ang nakapait kay sama sa wala makapangandam si Alvarez sa plano pagpuli kaniya.

Buot ipasabot, mismo ang iyang mga kaalyado kanhi wala na molaban kaniya.

* * *

Dugay na nga nahitabo ang “sambunot” nila ni Alvarez og Mayor Sara.

Apan wala mawala sa hunahuna ni Mayor Sara ang maong away.

Subli niya kining gisulti kaniadtong Biyernes sa miaging semana sa dihang gisubhan ni Mayor Sara ang ABAKA sa Bohol pinangulohan ni CabSec Jun Evasco.

Matod pa ni Mayor Sara, nasuko si Alvarez sa dihang wala nila kini giimbitar sa dihang nag-meeting si Mayor Sara sa mga gobernador og mayor sa Davao.

Husto gyod ang iyang gisulti – dako kaayong sayop ni Alvarez nga nakigkontra kaniya.

* * *

NoEL, maoy gusto ni Alvarez.

NoAL maoy nakapalagpot kang Alvarez.

* * *

Tungod sa maong drama nila ni Alvarez of PGMA, nalangan og sobra sa usa ka oras ang SONA ni PRRD.

Tungod usab sa maong drama sa Kamara, nasapawan og nakalimtan na lang ang drama nga gihimo sa BAYAN didto sa Commonwealth Avenue ubos ni Renato Reyes of Neri Colmenares.

Wala na magtagad pa ang mga tawo sa drama ni Renato Reyes sanglit didto punting ang tanang pagtagad sa nahitabong pag-usab sa pamunoan sa Kamara human ipakita sa TV nga naglingkod na si PGMA sa lingkoranan ni Alvarez.

* * *

Nindot kaayo ang gisulti ni PRRD batok sa mga katawhan nga padayon nga nag-rally batok kaniya.

“Your concern is human rights, mine is human lives.”

Pagka-nindot paminawon.

Sa natad sa balaod, mas importante ang kinabuhi sa usa ka tawo kaysa katungod sa usa ka tawo.

Mao kini hinungdan nga sa “due process clause” sa atong Bill of Rights, mao kini ang gimando, “no person shall be deprived of life, liberty or property.....”

Pasabot, gihatagan og kusog ni PRRD ang mandato sa Philippine Constitution nga naglatid nga mas importante ang kinabuhi kay sa katungod.

Nindot sab paminawon ang iyang giingon nga “your concern is the present, mine is both the present and the future.”

* * *

Gihatagan si CabSec Jun Evasco og pasidungog sa Ten Outstanding Boholano Awards (TOBAW) kaniadtong sabado sa gabii sa field of government service, national level.

Mi-atender man tuod si CabSec Evasco og mipasalamat sa paghatag sa maong award apan wala niya kini dawata.

Unsay hinungdan?

Matod pa niya, gi-sweldoan siya aron mo-serbisyo sa katawhan. Bayad na ang iyang pag-serbisyo sa katawhan.

Mao kini hinungdan nga wala na kinahanglana nga hatagan pa siya sa maong award, dugang pa niya.

* * *

Tungod niini, nagsagol ang reaksiyon sa mga katawhan.

Daghan ang nakadayeg sa iyang gihimo sanglit husto man ang iyang mga punto nga gibasehan.

Gani matod pa sa uban, kwestiyonable ang paghatag sa award sanglit dili man “extra-ordinary” ang gihimo sa mga awardees, ordinaryo man lang ang ilang gihimo, gawas pa sa dili ikalimod nga gi-sweldoan man sab sila sa maong trabaho.

Apan dihay mga tawo nga nakasaway sa wala pagdawat ni CabSec Evasco sa maong award sanglit sama sa gi-insulto niya ang mga organizers sa maong TOBAW.

* * *

Daghan sab ang nakasaway sa gihimo nila ni Gov. Edgar Chatto og Cong. Rene Relampagos.

Una nga mi-diskurso ang duha.

Matod pa, wala gyod nila i-acknowledged si Evasco sa dihang mihatag na ang duha sa ilang mga mensahe.

Daw sama kini nga wala nila respetohi si Evasco bisan na lang unta sa rason nga Cabinet Secretary kini og dili tungod kay awardee siya sa TOBAW, matod pa sa nakasaksi.

Tungod ba kaha kini sa unang gibuhiang pamahayag ni Evasco nga mga “opportunists” sila si Chatto og Relampagos sanglit magbalhin-balhin kini sila og partido sukad pa sa una?

Samtang nakakaduol ang piniliay sa 2019, nag-anam usab kaiinit ang mga politikanhong kalihokan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph