MAS bibo ug mas daghan nga gila-umang mo partisipar sa mga aktibidades sa dakbayan ilabi na sa nagsing-abot nga kapistahan sa dakbayan sa Cagayan de Oro.
Gipahigayon ang Higalaay Festival grand launching niadtong Hulyo 22,2018 diha sa Centrio Ayala Mall.
Gibutyag ni Eileen San Juan, chair sa City Fiesta Executive Committee nga gila-uman ang mas daghan nga mga katawhan nga modagsa ug mopartisipar sa ilang mga gi-andam nga mga kalihokan alang sa kapistahan.
Nasayran nga pipila sa mga kalihokan ang napunorada human nga gideklara ang Martial law niadtong milabay nga kapistahan apan bisan pa man nagmalampuson gihapon kini.
“So karon gyud even if we have martial law , it’s different kind of martial law hinuon so l’m very grateful that we are doing these activities in spite of the challenges daghan ang manganhi kay daghan ang mga na-organize” tipik sa pahayag niini.
Samtang gibutyag usab ni Mayor Oscar Moreno nga sa bahin sa mga organizing committee mas aduna’y kalamboan ug maayong pag-organisa sa mga kalihokan diin sa panghinaot nga susama ang kooperasiyon sa publiko.
“There’s better much improve, harmony and teamwork and a synchronization and everybody is focus on his or her own core event.” pahayag niini.
Samtang gipangandaman usab sa maong komitiba ang nasinati nga pag-ulan ilabi na sa mga nasinati nga mga pagbaha sa kadalanan gumikan kay aduna ma’y ubay-ubay nga mga kalihokan nga pagahimuon sa gawas.
"Naa ta’y mga challenges niana kay kaning mga naa sa outdoor nga activities, So isa na gyud na nga among istoryahan sad unsay mga back up plans kung naay mga ingon-ani”dugang ni San Juan.
“Hopefully, the weather would cooperate so that we can celebrate the fiesta as lively and as wonderfully as possible," dugang ni Moreno.
Gi-aghat ang katawhan sa pagsaksi sa tanang mga kalihokan gumikan kay alang kini sa tanan sama na lamang sa Dragon boat competition diin pwedi nga mosalmot ang mga indibidwal nga aduna’y deperensiya sa panglawas o person with disabilities (PWD).
"So this is something for everyone, for all, nga dili lang ang katong physically fit ang maka join ,everyone is invited to join in all of these competitions, events, and activities that’s happening in Cagayan de Oro.” pag-aghat ni San Juan
“Kini dili lang sa Cagayan de Oro, fiesta pud ni sa Northern Mindanao this is your fiesta.“ dugang ni Mayor Moreno.
Nakahan-ay na ang mga aktibidad sa Higalaay Festival 2018 dinhi sa dakbayan ilabi na sa pagtungtong sa bulan sa Agusto sama na lamang sa Higalaay Agri fair and garden show sa tibuok bulan sa Agusto sugod alas 8:00 sa buntag hangtod na sa 9:00 sa gabii sa Gaston park.
Sa Agusto 15-17: Kumbira 2018 sa Limketkai Center, Agusto 17-29: Kahimunan sa SM City uptown.
Agusto 19:Kagay-an Festival Marathon sa Centrio mall, Agusto 21: Higalaay Choral Competition sa Centrio Mall Activity Center; Agusto 24-26 Cowboy Festival sa Roa Property; Agusto 25 Miss Cagayan de Oro 2018; Agusto 25-26 Special Feature 1st motor ace Kagay-an Dragon boat fiesta race;Agusto 27 Higalaay street parade and floats civic military parade; Agusto 27 Centrio Mall Bisperas Fireworks; Agusto 27-29 7th Mindanao Fashion Summit; Agusto 28 Religious procession , Fluvial procession, SM Higalaay Pyro Festival ug Higalaay Festival sale.