HUBOG nga nanguot sa pribadong bahin sa lawas sa usa ka ginang nasukmagan sa bana nga nakakita sa hitabo sa miaging gabii didto sa barangay Poblacion , Talisay city.

Doble ang dimalas sa hubog tungod kay gipapriso man kini sa bana sa ginang nga nakuotan. Diha na mahuwasi sa iyang kahubog sud sa detention cell sa Talisay City police station si Ramelito Mendoza,40, taga barangay Dumlog.

Si P02 Narciso Alforque, desk officer sa kapulisan nibutyag nga unang niabot sa ilang buhatan si Mendoza kay namaligya og relo apan labihan na gyud nga huboga.

Click here for stories and updates on the Sinulog 2010 Festival.

Gibadlong kini ni Alforque nga mopahuway na lang ug di na magsige og laag kay tingali og makakita pa kini og gubot.

Apan wa maminaw ang suspek ug didto kini paingon sa may namaligya og barbecue nga dunay mga babaye nga nagtapok.

Giingong nagsige og samok ang suspek ug nangreklamo na ang duha ka babaye nga iyang giduol.

Usa sa mga ginang ang nahikapan gyud apan nakit-an kini sa bana hinungdan nga nakatilaw og bun-og ang suspek.