GITUG-AN sa warden sa Lapu-Lapu City Jail nga naglisod sila sa pag-intercept niadtong mga kontrabando nga ipasok sa pribadong bahin sa lawas niadtong modalaw sa bilanggoan.
“At the moment helpless kami dito, we don’t have the mechanism or equipment para ma-address ito,” tipik sa pamahayag ni Jail Supt. Julius Arro.
Nabalaka si Arro nga sa higayon nga mapugos sila sa pagkuot o hiling ilabi na sa pribadong bahin sa lawas sa bisita o dalaw, hayan mag-atubang sila og reklamo o legal repercussion ilabi na nga sudlan sa taga-Commission on Human Rights.
Tug-an pa niya nga adunay mga menor de edad nga gigamit na sab isip drug courier.
Mipasalig ang opisyal nga gihimo nila ang ilang gimbuhaton aron pagpugong niining nga courier nga makapalusot og illegal drugs ngadto sa mga binilanggo sa city jail.
Matod pa nga sud sa walo ka buwan ni Arro sa paglingkod sa city jail aduna na upat ka higayon nga ilang nasakpan dili lang kadtong mga dalaw lakip na ang piniriso.
Sa sayo pa, jail officer sa Cebu City Jail midakop niadtong bayot nga si April Joy Ajoc, 23 sa dihang nasuta nga adunay gipasok sa iyang sampot sa dihang moduaw sa Cebu City Jail sa miaging adlaw.
Sa dihang nakapagawas kini sa iyang hugaw, nasuta nga 20 ka ampules sa nubain nga giputos sa condom. FVQ