SECTIONS
Wednesday, August 21, 2019

Commercial fishing tugtan nga managat sa municipal waters

GUMIKAN sa nagkakunhod nga kuha sa mga isda, gipatun-an karon ni Agriculture Secretary Emmanuel Piñol sa Bureau of Fisheries and Aquatic Resources (BFAR) ang posibilidad nga tugotan ang commercial nga mga mananagat nga managat sud sa 15 kilometros nga municipal fishing waters.

Sigon sa kalihim, base sa ilang analysis, nagkagamay ang kuha nga mga isda sa nasod apan wa pa silay scientific nga pagtuon bahin niini.

Matod niya nga daghang mga isda nga dakpunon nga naa sud sa municipal waters nga lisod madakop sa gagmayng mga mananagat.

Dugang niya nga kini ang usa sa mga rason kon nganong nagkakunhod ang kuha nga mga isda kay ang commercial fishing vessels wala tugoti nga makapanagat duol sa municipal fishing grounds.

“In our analysis but I still have to get a scientific study, ang mga municipal fisherman who are allowed only three gross tonnage, cannot catch a lot of fish. Because kung tulo ka tonelada lang imong bangka magkarga ka diha og usa ka toneladang isda, molugdang nana,” pasabot ni Piñol dihang nahinabi sa mga tigbalita sa Sugbo niadtong Martes.

Siya nibutyag nga duha ang ilang option nga pilian, una, pasak-an ang gross tonnage sa mga panagatan nga tugotan makapanagat sud sa municipal waters o tabangan ang gagmay nga mga mananagat nga makabaton og dagkong panagatan aron daghan sila makuha nga mga isda.

Lain nilang buhaton nga makig-estorya sa mga local government units aron tugotan ang mga commercial fishermen nga makapanagat sud sa 11 kilometros nga municipal waters.

Gipasalig ni Piñol nga sa dili pa kini himuon, mokonsulta sila daan sa mga stakeholders sa pagpanagat aron ipresentar ang ilang mga sugyot.

“Please be reminded in the DA (Department of Agriculture) right now, I do not do things without consulting with the stakeholders. Even if I make a statement on a certain issue, it will still have to go through a process,” dugang sa kalihim.

Ubos sa Philippine Fisheries Code of 1998 nga giamendar sa Republic Act 10654, gidili ang pagpanagat sa commercial fishing vessels sud sa 15 kilometros nga municipal waters.

Sa maong balaod, ang mamatud-an nga nakalapas niini pamultahon gikan sa P1 milyon ngadto sa P45 milyones. SCG


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph