Motorsiklo mibangga sa balay, 2 angol

DUHA ka mga lalaki ang nangaangol human nabangga ang gisakyang motorsiklo sa usa ka balay niadtong Martes mga alas 5:00 sa hapon sa Cugman Highway ning siyudad sa Cagayan de Oro.

Giila ang biktima nga mao sila si Sonny Nato, 20, taga Baloy, Cugman ning siyudad ug backrider niini nga mao si Kim Lianda.

Si P03 Edgardo Dador saÿPolice Station 10 (PS10) sa Cugman nibutyag sa Sun.Star Supoerbalita nga ang maong hitabo ilang girepondehan ug walay kadaut sa panimalay nga nabanggaan sa maong motorsiklo gawas lamang sa mga biktima nga nahulog gikan sa motorsiklo.

Gituohang nakainom ang driver nga si Nato tungod kay base sa nakasaksi gibutyag nga mikirig kini sa dalan ug kalit nga nitipas ug nilahos sa balay.

Nabangga kini sa semento sa maong panimalay hinungdan nga nakaangkon ang mga biktima ug samad sa nawong ug bun-og sa lain-laing parte sa lawas ang mga biktima.

Maayo na lamang walay lain tao nga anaa nagtambay sa daplin niadtong tungora hinungdan nga walay laing naangol sa hitabo gawas lamang sa duha ka mga biktima.

Dali nga gidala ang mga biktima sa Northern Mindanao Medical Center (NMMC) diin padayon pang giatiman sa mga doktor ning panahona.

Samtang ang kaso padayon pang giatiman sa kapolisan gani giingong leksiyon kini sa pipila ka mga driver nga magmaneho bisan nakainom hubog. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph