GI-MONITOR karon sa mga opisyal sa Misamis Oriental ang mga dagkong kompanya sa probinsiya aron maprotektahan ang katawhan gikan sa polusyon.
Matud ni Provincial Planning Development Office head Jojo Bascug nga padayon ang ilang monitoring sa mga dagkong kompanya nga nahimutang sa Misamis Oriental.
Ang multi-partite monitoring team giapil ni Governor Yevgeny Emano uban ang buhatan sa PPDO nga parte sa Executive Committee magsilbing technical working group.
Ang multi-partite team mao ang mag-monitor sa pagpatuman sa mga mohatag og ECC o compliance certificate sa mga industriya sa probinsya.
Ang mga dagkong kompanya nga gimonitor naglakip sa Steag State Power Inc, FDC Misamis Power Corporation, Minergy Power Corporation ug Holcim Manufacturing Corporation.
Matud ni Bascug nga kining mga power corporation mao ang nag-emit sa kalidad sa hangin labina sa mga paticulate kong hisgutan ang polusyon tungod kay kini mga coal fired power plants.
“Kining Holcim nga cement company ni siya nga ang emission sa air ambiance kinahanglan gyod gihapon siya nga i monitor. They are part of the execom who checks and implement the permission stated under the Air quality act,” dugang niini.
Matud ni Bascug nga concern nila nga i-monitor ang katawhan nga dili maapektuhan sa gibuga nga mga polusyon sa maong mga kompanya. (SVB)