PLANO sa Konseho ning dakbayan sa Cagayan de Oro mahatagan og proteksyon ang mga investor dinhi sa siyudad sa Cagayan de Oro.
Si Konsehal George Goking, chair sa Committee on Trade, Industry and Commerce ug sa Ways and Means sa konseho, niingon nga planong maghimo og proteksiyon sa mga investor ilabi na sa mga nanggawas nga mga negosyo diin adunay nalambigit nga dakong kantidad sama sa “cryptocurrency.”
“We have to hear both sides and will come up with a resolution endorsing this to the proper authorities kay ang council we cannot implement anything nga medyo matawag nga ilegal pero another is we come up with ordinance protecting investors of Cagayan de Oro de Oro,” tipik sa pahayag niini.
Nasayran nga wala makatunga ang founder sa Freedom Traders Club o Ploutos coin nga si Mark Freeman sa ikaduhang patawag sa konseho tungod na usab kay wala kini sa nasud aron nga mapaklaro diin nganong wala kini naka rehistro sa Security and Exchange Commission.
Gitakdang ipatawag kini sa ika-tulong higayon karong sunod Biyernes, alas 2 sa hapon.