LAING programa na sab ang for sure nga mo-hit sa mga Pinoy, ilabi na gyud kadtong mahiligon sa fantasy ug super-hero theme nga programa.
May latest offering na sab ang GMA Network, via Victor Magtanggol.
Inspired sa Norse Mythology, ang drama series bidahan sa Pambansang Bae, Alden Richards nga may misyon aron protektahan ang katawhan, isip Victor Magtanggol.
Mohatag og dugang color and excitement sa mythological world ang mga aktor nga sila John Estrada as Loki, (God of Deception); Andrea Torres (Sif); Pancho Magno (Modi); Miguel Faustman (Magni/Magnus); may special participation sab si Conan Stevens as Thor.
Mo-uban sab sa powerhouse cast ang mga importanteng karakter sa life ni Victor; si Al Tantay isi Tomas Magtanggol, mapinanggaong amahan ni Viktor; Chynna Ortaleza isip Lynette Magtanggol-Domingo, igsuon niya; Dion Ignacio isip Perci Domingo, bana ni Lynette; Lindsay de Vera as Anne Magtanggol, ang kikay cosplayer ug manghud ni Victor; Reese Tuazon isip Honeylyn, best friend ni Anne; Yuan Francisco as Meloy Domingo, anak nila Lynette ug Perci; ug Ms. Coney Reyes as Vivienne, inahan ni Viktor.
Dugang karakter sa Regalado family sila Eric Quizon (Hector Regalado,), Freddie Webb (Renato Regalado), Maritoni Fernandez (Alice Regalado), Kristoffer Martin (Lance Espiritu), Janine Gutierrez (Gwen Regalado).
Sa istorya, si Viktor usa ka OFW aron pangitaon ang iyang inahan. Mahimo niyang higala si Magnus (Miguel Faustmann), ang curator sa museyo asa siya nagtrabaho.
Sa kamatayon ni Magnus, dinhi na magsugod ang journey ni Viktor sa pagtuman sa iyang misyon.
Ang creative team sa TV series gilangkuban sa headwriter Denoy Puno uban ang writers Glaiza Ramirez, Ken de Leon, brainstormers Marlon Miguel, Erwin Bravo ug concept creator Jules Katanyag.
Sila gigiyahan nila Roy Iglesias, creative consultants Suzette Doctolero, and Dode Cruz.
Ang original series, gimugna sa GMA Drama group sa pagpanguna ni SVP for Entertainment Group Lilybeth Rasonable, VP for Drama Redgie Magno, AVP for Drama Cheryl Ching-Sy, Program Manager Nini Matilac ug Executive Producer Mona Mayuga.
Bida sab ang theme song nga “Superhero Mo” sa Ex Battalion featuring Alden.
I-direhe ni Dominic Zapata, ang serye, nga mao say utok sa Mulawin, Darna, Captain Barbell, My Husband’s Lover ug Alyas Robin Hood.
Atangi ang exciting mission sa pinakabag-ong modern-day superhero Victor Magtanggol sugod Hulyo 30 sa GMA Telebabad.
++
Kung kamo may mga aktibidad nga buot ninyong ipamantala, email lamang kini sa rhonnie.superbalitadavao@gmail.com