PWD team tinguhang makasakmit og gold medal

GITINGUHA sa Person with disability (PWD) team nga malakip sa International competition ilabi na makasakmit og gold medal pinaagi sa ipahigayong Dragon Boat Fiesta Race karong umaabot nga Agusto 25-26,2018.

Gibutyag ni Rolando Damaolao, Presidente sa Blind ug Chairman sa Cagayan de Oro Council for Persons with disability nga tumong ug tinguha sa ilang sektor nga dili lamang makadaug karong umaabot nga 1st Motor Ace Kagay-an DragonBoat Fiesta Race sa siyudad.

“Mao gyud na’y among gi-aim sa sector no,we continue the training kay not only for that exercise purposes but also gusto gyud mi makadaug nga hopefully kita diri sa Cagayan de Oro ma-qualified ang PWD team for international competitor ug makakuha gyud ta og gold medal” tipik sa pahayag niini.

Gi-aghat niini ang kumonidad nga molakip sa maong sports ilabi na sa mga susama niini nga aduna’y kabilinggan sa panglawas tungod na usab kay dako kaayo ang tabang niini diha sa pag-lambo sa relasiyon sa mga kauban lakip na sa imong kaugalingon ug ilabi na diha sa panglawas.

Gikalipay sa sektor sa PWD ang maong sports tungod kay wala kini diskriminasiyon diin ang PWD pwedi nga makaapil.

Samtang dili unang team sa siyudad nga aduna’y PWD gumikan kay aduna’y sa Cebu apan ang nakalahi kay duna’y upat ka mga buta sa pagkakaron ang PWD team sa siyudad.

“No they are not the first PWD Dragon Boat Team,naay sa Cebu,kusog to sila pero wala sila’y buta” tipik sa pahayag ni John Asuncion, Dragon Boat Kagay-an managing partner.

Nasayran nga sa pagkakaron aduna’y 18 ka mga miyembro sa PWD team diin sagol kini nga aduna’y deaf-mute, polio victim, pungkol ang mga tiil ug upat ka mga buta sa pagkakaron gumikan kay madugangan kini og laing upat ka buta nga buot mo-apil.