Bugsay alang sa kalinaw

KALINAW ang adbokasiya sa labing unang Dragon Boat Fiesta Cup o 1st Motor Ace Kagay-an Dragon Boat Fiesta Race sa siyudad karong umaabot nga Agusto 25-26, 2018 diin usa kini sa mga kalihokan sa kapistahan.

Ang Bugsay Mindanao 5: Paddle for Peace Race Series langkuban kini sa ubay-ubay ka mga teams gikan sa nagkadaiyang dapit sa nasud diin gilaumang adunay gatosan ka mga magparehistro niini.

Gibutyag ni John Asuncion, Dragon Boat Kagay-an managing partner nga adbokasiya niining maong kalihokan mao nga mas gi-promote ang ang pagkab-ot sa Kalinaw kaysa paghatag og cash prize apan aduna gihapon sila’y madawatan nga kantidad sa mga modaug.

“Trophies, medals nga madawat and cash prizes,since this is an advocacy nga race wala lang sa mi gihatag sa ila nga pila atong cash prize,” pahayag ni Asuncion.

Gi-aghat ni Asuncion ang tanan sa pagsaksi niining maong kalihokan ug kung aduna’y buot nga mosulay anaa kini sila kada adlaw diha sa Duaw Park gikan alas 6:00 -5:00pm. Kini nga sports wal’y gipili sa gender,gidak-on,gitas-on ug bisan sa mga PWD.

“Wala ni siya ginapili nga sports, kita mga Pinoy gakadaug ta sa gawas with this sport so why not try this sport? you might just love it," pag-aghat niini.

Gi-konsidera usab niini ang seguridad sa mga mosalmot sa kalihokan diin kauban ang Oro rescue team, kapolisan ug lakip na usab Race official gikan sa kaulohan alang usab nga mao’y makdesisiyon kon ugaling dili malikayan ang dautang panahon.

Mokabat sa mga 500 ka mga registrants ang gilauman diin nagagikan sa Manila, Cebu, Bohol, Tacloban, Negros, Iligan, Davao ug uban pa.