MANILA – Jam-packed ang Mall of Asia Arena atol sa concert ni Celine Dion sa niadtong July 19 but luyo niining tanan grabeng stress ang nahi-aguman ni Joed Serrano nga usa sa nag-produce sa maong concert.
Gibate og kalabaka si Serrano sa dihang ang iyang kasosyo sa pag-produce sa maong event dili na ma-contact.
Sigun sa chika ni Joed sa press nga nihatag sila og pasiuna nga 50 percent sa kinatibuk-an talent fee sa Canadian singer ug ang balance itunol nianang gabii atol sa concert.
Maayo na lang gani kay adunay mitabang kang Joed og nasawo siya sa kauwawon.
Siyempre, madaut ang pangan ni Joed isip usa ka international concert promoter / producer di ba ?
Dako ang pasalamat ni Joed sa mga misawo sa obligasyon sa iyang kasosyo og in fairness napuno ang MOA Arena so katong iyang kasosyo nga kalit siyang gibiyaan sa ere, nga modugangan pa unta ang iyang kita apan ang nakapahimolos mao ang tawong mi-abaga sa iya untang obligasyon.
Two nights ang concert ni Celine og as expected nagsawa ang audience sa pagpanimati sa mga hit songs ni Celine.
Daghan nang gi-produced nga international artists si Joed og sa akong nasagap, ang sunod niyang i-produce si Barbara Streisand.
Why not? Sikat na sikat pa gihapon si Barbara og ang iyang mga kanta, hangtod karon madungog pa gihapon sa mga radio station.
***
Unsa kaha ang epekto sa gihimong “experiment” sa aktres nga si Jacklyn Jose sa iyang pagsunog sa sotanghon og bihon nga made in China.
Kumbisido si Jacklyn nga ang tanghon og ang bihon adunay gyud sagol nga plastic kay sa dihang iyang gisunog kini, nanimaho jud kunong plastic baho kuno kaayo.
Di ba ang tanghon og bihon made from flour? Ang flour ba kung sunugon manimahong goma?
Matud pa ni Jacklyn, kaniadto drogas ang negosyo sa mga Intsik sa Pilipinas, karon naman daw hinay-hinay na kunong gipatay ang mga Pinoy tungod sa pagkaon og plastic sa mga produktong ilang gipamaligya sa Pilipinas.
Dapat eksaminon ang mga mga produkto og maayo sa mga taga BFAD, kay intawon tanan baya kita mokaon og pansit.