Priso nga miluba sa kauban nakabartolina pa

NAGPABILIN gihapon sa bartolina ang usa sa priso nga niluba sa kaubang priso sulod sa Misamis Oriental Provincial Jail (MOPJ).

Kini ang gikumpirma ni MOPJ Jail Warden Dominador Tagarda atol sa pakighinabi sa SunStar SuperBalita kinsa niingon nga duha na ka bulan ang nilabay gikan giluba si Alejandro Ubanan apan pabilin nilang gibartolina ang usa ka priso tungod kay aduna na usab kini laing gihimong kasupakan.

Matud sa warden nga iyang gibunalan bag-o lang ang usa sa testigos sa kasong gipasaka ni Ubanan hinungdan pabilin nga gibartolina.

Dugang ni Tagarda nga si Ubanan ang gilain usab nila. Dili man kini special treatment apan ilang gilain labina nga nagpaalim pa kini sa iyang samad sa dughan nga naangkon human gitabangan ug giatake sa tulo ka kaubang priso niadtong bulan sa Mayo.

Gituohang tungod kay gapamadlong si Ubanan sa mga priso nga gapanigarilyo sulod sa prisuhan ug nabadlongan kining tulo hinungdan nga gidumtan.

Kahinumduman nga si Ubanan parte sa lima ka polis nga suspek sa pagkawala sa negosyanteng si Enrique Fernandez nga nawala Octobre 2016 apan hangtod karon wala makita.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph