SECTIONS
Monday, September 16, 2019

Anti-Rape law ipa-amendar sa Kongreso

NANAWAGAN ang Children’s Legal Bureau uban sa Children’s Non-Government Organization (NGO) Network (CNN) sa Sugbo sa Kongreso sa pag-amendar sa Republic Act 8353 kun Anti-Rape Law labi na ang probisyon pagpasaka sa minimum nga edad sa sexual consent gikan sa 12 anyos ngadto sa 16 anyos.

Gusto usab nila paamendahan ang Anti-Rape Law aron ikonsiderar usab ang mga batang lalake nga mahimo usab mabiktima sa pagpanglugos.

Ubos sa RA 8353, ang mga batang babaye lang ang giisip nga mabiktima sa pagpanglugos.

Atol sa forum kagahapon nga giulohan og “Consent by a minor to have sex: Is there such a thing?: A Media Conference and Forum for the Raising of Minimum Age of Sexual Content,” gipresentar ni Atty. Noemi Truya-Abarientos, tigpamaba sa CLB ug chairperson sa CNN, nga ang Pilipinas ang dunay usa sa labing ubos nga minimum age nga sexual consent kon itandi sa ubang mga nasod nga tag 16 anyos ang kadaghanan.

Giangkon ni Melanie Llana sa Child Rights Network nga di ingon niana kainit ang ilang nadawat nga suporta gikan sa mga magbabalaod sa pagpalabang sa balaudnon pag-amendar sa Anti-Rape Law kay prayoridad niini ang pagpasar sa balaudnon alang sa pederalismo ug pag-deliberate sa 2019 national budget.

Kini ang hinungdan nga nagpatabang sila sa publiko aron magsabasaba ug maseguro ang pag-amendar sa balaod.

“But we feel that we need to start making our legislators aware that this is an important issue which needs to be discussed...Kinahanglan ta mag-ingay, we really need to make this issue loud, and we need to have clamor for our legislators to be able to put this in their agenda along the issues of federalism and other things that they are prioritizing,” dugang ni Llana atol sa forum.

Matod ni Llana makatabang ang mga tawo pinaagi sa pagbotar sa online petition, social media , pagpahigayon og forum nga mopasabot sa kamahinungdanon sa pag-amendar sa RA 8353 ug paghangyo sa ilang mga kongresista.

Sigon ni Atty. Cecille Latuno, nag-una sa drafting sa sugyot balaudnon sa Ateneo Human Rights Centre ug kanhi assistant secretary sa Department of Justice, sukad niadtong 14th Congress gisugdan nila ang kampanya apan hangtod sa 17th Congress, naglisod sila sa pagkuha og suporta sa mga kongresista.

Dugang niya sa upat ka balaudnon nga giduso sa Ubos Balay Balauranan alang sa maong tinguha, tulo ang naa sa committee on revisions. SCG


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph