ANG giatngan sa tanan nga 83rd Kadayawan sa Dabaw Invitational Basketball Tournament masaksihan sa Agosto 9-12 sa Davao City Recreation Center (DCRC) kanhi Almendras Gym.
Kini ang pahayag ni Sports Development Division-City Mayor's Office (SDD-CMO) executive program director Irish Ortiz ug gikumpirma ni Samahang Basketbol ng Pilipinas (SBP) executive program officer Ronel Leuterio.
Matud ni Leuterio ang mga mopartisipar tims mao ang Davao-Go-Duterte, defending champion University of Sto. Tomas Growling Tigers, ang National University Bulldogs ug bag-ohan University of Cebu Webmasters.
Dakong premyo ang naghulat sa mga modaug karong tuiga diin ang mohari mouli og P100,000 samtang ang runner-up makadawat og P60,000.
Ang sunod nga duha ka puwesto makakuha og P40,000 ug P30,000.
Ang paduwa gipresenta ni SBP 11 under regional director Glenn Escandor kauban ang SDD-CMO isip kabahin sa selebrasyon sa 83rd Kadayawan sa Dabaw Festival. MRP