BASTA pampa-beauty, pampaputi, ug uban pang anik-anik nga magamit alang sa mas ika-enhance sa atong beauty, kitang mga Pinoy abtik kaayo sa pag-avail niini.
But of course, di lang basta-basta ang pagpamalit, gikinahanglan sab gyud mamili sa produkto nga mo-swak sa imong skin type nga di ka allergic.
Septyembre sa nakalabay nga tuig, gibitbit sa Davao City ang newest pampa-beauty sa merkado, and Orabella.
“It's Orabella, Ora means Beauty, Bella is Gold. So there is Beauty in Gold,” ni Mariel Pascua, usa sa nag-manage sa Business Center sa Orabella sa City Triangle, Corner Roxas-C.M. Recto Street ning siyudad sa Davao.
Partners ang kapikas niyang si Donny, higala nga si Rynnazel Asnawa ug bana niini, nag-join force sila sa pagdala sa newest beauty trend nga gipaila-ila sa Ora Bella products ngadto sa mga Dabawenyo.
Suma ni Pascua nga direct selling ang pamaagi sa ilang pagpamaligya sa mga produkto, diin mamahimo kang makapa-member, ug may produkto kang makuha.
“Pero we are still open sa walk-ins, they can visit sa business center namo ug makita nila ang nagkadaiyang products na ma-avail nila,” dugang ni Pascua.
Suma pa ang Orabella Products ginama sa Brand Concept and Supplies Manufacturing Inc., nga nakabase sa Caloocan Manila.
Ang kompanya anaa sa pag-manufacture sa nagkadaiyang beauty products nga anaa karon sa merkado.
“Gusto man gud sa owner nga aside sa mga products nga ilang ginahimo, maka-introduce gyud sila og own products nila sa market, so diri nabuo ang Orabella,” ni Pascua dugang sa pagsulti nga ang kompanya anaa sa industriya sud na sa kapin dekada.
Mga produkto sa Orabella gilangkuban sa himalit kaayong Whitening Soap nga may NanoCare Technology; 2-in-1 Whitening Night Cream; Facial Toner; Hand and Body Lotion; Intimate Wash nga pwede sab sa lalaki; 5-in-1 Whitening Deodorant; 8-in-1 Whitening Day Cream ug ang latest nila Lip and Cheek Tint.
Gipasigarbo ni Pascua nga usa sa love nila sa produkto mao ang paggamit niini sa mga natural ingredients, sama sa Aloe Vera, Beeswax, Shea Butter, Kaolin Clay, Coconut Oil, Soapnut, Witch Hazel ug uban pa.
“It's hypoallergenic, perfect gyud sa mga sensitive ang skin. Proven na gyud siya sa mga naka-try. One thing pud, tanan halos product naay cooling effect pag-apply nimo, and FDA approve sab gyud ang tanang products.”
Dugang ni Pascua, kung stable na sila sa Davao, suwayan nila ang pag-dala sa mga produkto gawas sa siyudad, aron mas daghan pang makagamit niini, ug mokita sab pinaagi sa pagpamaligya sa produkto.
Sa mga updates sa ilang produkto, i-tsek lang ang Orabella Gold In Beauty - Davao sa Facebook.
+++
Kung kamo dunay mga aktibidad nga buot ninyong ipamantala, ipadala lamang ang inyong PRs, imbitasyon sa rhonnie.superbalitadavao@gmail.com