MIHANGYO ang Cagayan de Oro Police Office (Cocpo) sa katawhan nga mokooperar ug motabang sa pagbantay sa dakbayan aron malikay sa kagubot ug maseguro ang kaluwasan sa tanan.
Kini human gipasaka pa sa mas taas ang alert level ang Northern Mindanao human sa nahitabo suicide bombing sa Lamitan City, sa Basilan nga ningkalas og ubay-ubay ka mga kinabuhi.
Gibutyag ni Police Superintendent Mardy Hortillosa, tigpamaba sa Cocpo nga unta mosabot ug mopartisipar ang katawhan gumikan kay kining mga lakang alang man sa seguridad sa katawhan sa tibuok siyudad.
“Ang ato lang nga moparticipate ang atong katawhan tabangan kita og bantay sa dakbayan,” dugang niini.
Hangyo usab ni Hortillosa nga unta likayan pod ang pag post sa social sa mga yangoyango sanglit naka abot na kini sa Cam Crame ug gipangayoan sila og ekslinasiyon.