LUYO sa pagkanta, hataw sab gyud ang mga Pinoy sa pagsayaw.
Mao nga luyo sa singing competition, daghan sab gyud ang mga dance competition nga nagtumong sa pagpangita og mga new talents sa natad sa paggiling.
Ning bag-o lang gilusad sa Felcris Centrale ang Hip Hop Dance Contest.
Kinsa mang interesado gikinahanglan nga magporma og grupo nga may unom ngadto 15 ka miyembro.
Ang mosalmot, angay mo-fill-up sa registration, waiver ug liability forms ug kumpletuhon ang ubang rekisitos sa dili pa ang Agosto 15 ning tuig.
Dugang pa nga 15 ka slots lang ang gitagana ug usa ka mananaug ang ideklarang kampeyon.
Matag tim mosayaw sud sa upat ngadto 7 ka minutos.
Gitugutan ang bisan unsang klase sa hip hop dance sama sa locking, popping, crump, house, stepping, breakdance, whacking, tutting, party dances ug uban pa.
Ang form makuha sa 2nd Floor, Administration Office, Felcris Centrale sa may Quimpo Blvd. Davao City, pwede sab kining i-download sa https://tinyurl.com/HiphopDanceContestForm.
Gidugang sab sa mga organizers nga libre ang registration sa kompetisyon.
Sa dugang kasayuran mamahimong mokontak sa (082) 237-7777 ug 0917.654.6878.
Ang finals gitakda karong Agosto 19.
+++
Kung kamo dunay mga aktibidad nga buot ninyong ipamantala, ipadala lamang ang inyong PRs, imbitasyon sa rhonnie.superbalitadavao@gmail.com