SA ika-18 niini nga tuig, ang Cebu Schools Athletic Foundation Inc. (CESAFI) mohimo og dakong lakang nga gilaumang makatabang sa pagpalambo sa kompetisyon.
Lakip sa mga giplano sa Cesafi mao ang pagtudlo og student volunteers nga makatabang sa pag-promote sa ilang tagsatagsa ka tunghaan sa pinaagi sa social media, usa sa mga tinguha sa bag-ong presidente sa asosasyon nga si Bernard Nicolas Villamor sa Cebu Institute of Techonology-University.
“CIT-U has generously volunteered to take charge of the live streaming of the opening ceremony and maybe some other games,” matod ni Cesafi commissioner Felix Tiukinhoy.
“We are also going to ask for other schools to take charge of the other games since CIT can’t cover all of them.”
Gawas sa live streaming, tinguha sab sa Cesafi nga gamiton sa matag tunghaan ang tagsatagsa ka school publication niini sa pag-promote sa ilang team.
Nagplano sab ang Cesafi nga ibalhin ang venues sa ubang events sa mga mall aron mas daghan ang mga makatan-aw.
“We’re planing to have taekwondo, table tennis, chess and the academic and cultural contests played in Robinsons Galleria, since it is more accessible,” dugang ni Tiukinhoy.
“We used to hold the games in the schools before and it’s mostly just the players themselves who are also watching, moving them to Galleria will bring them closer to the crowd.” ESL