ANDAM na ang tanan alang sa pagpahigayon sa Regent Aguila Ironman 70.3 Asia-Pacific Championship karong Dominggo sa Shangri-La Mactan Resort & Spa sa Lapu-Lapu City.
Moabot ngadto sa 2,500 triathletes gikan sa 53 ka mga nasod ang nakaparehistro sa kompetisyon.
Gikonsiderar nga sayong mga inilog sa kompetisyon mao sila sio 2016 champion Tim Reed sa Pro male category ug si Radka Kahlefeldt sa female division.
Laing gikonsiderar nga title contenders mao sila si three-time world titlist Craig Alexander lakip na si Mauricio Mendez, kinsa maoy mananaog sa IronMan 70.3 nga gipahigayon sa Davao karong tuiga.
Sa iyang bahin, si Kahlefeldt adunay impresibong rekord human sa iyang pagdaog sa Ironman 70.3 Davao ug Subic Ironman 70.3 sa miaging tuig.
Gilaumang mokawat og atensyon ang pagsalmot sa Pinoy celebrities sa kompetisyon sama nila ni Paul Jake Castillo, Piolo Pascual, Kim Chiu, Matteo Guidicelli, Kim Atienza, Enchong Dee, Gretchen Fullido, Bubbles Paraiso ug uban pa.
Sa laing bahin, adunay 10 ka special awards ang ipanghatag alang sa mga mosalmot sa Herbal Life Nutrition Irongirl nga ipahigayon karong buntag.
Basi sa talaan sa organizers, moabot sa 850 ang mga partisipante ning maong lumba nga ipahigayon sa Barangay Punta Engaño, Lapu-Lapu City.
Ang mga pasidungog nga ipanghatag mao ang Youngest Irongirl, Golden Irongirl, IronMother-Daughter, Best Costume, Ms. International, Haba ng Hair, Kikay Award, Kilay is Life, Beauty ug Brawns, Ironsis. Reyna Mae Fatima Lopez, Ma. Devorah Taneo – USJ-R Interns