Epekto sa ehersisyo

ANG tawo nga maayo og panglawas maayo usab og performance. Ang kawani nga maayo og panglawas, maayo usab og performance sa trabaho. Kay ang lawas sama ra og makina, kon maayo ang pagkaatiman niini, maayo usab ang performance.

Kon ang matag kompaniya naa ini nga mentalidad, tingali maayo ang kasagarang produksyon o performance sa kompaniya. Unfortunately, kadaghanan sa mga kompaniya profit kun ginansya lang ang gihuna-huna. Wa makakita nga ang mga empleyado nga maayo og lawas makaayo diay sa kompaniya.

Naay pipila nga nagbutang og gamay nga gym sa ilang office samtang dunay say uban nga gihimong tipik sa incentives ang paghatag og pribilihiyo sa mga kawani nga makabisita og gym. Naay uban nga nag-offer og “wellness” loan sa mga emplyedo aron makapalit og gears for exercise.

Naa gani kompaniya nga akong nahibaw-an nga nag set og fitness goals sa mga empleyado ug nagtanyag og tinuig nga dakong incentives. Kaanindot kon ang mga kompaniya maghatag niani nga programa. Apan makaguol, kadaghanan way pakabana. Tan-aw nila sa mga kawani, maorag ligid, mailisan ra anytime.

Stress

Sa kalibutan sa trabahoan, naa ang tanang mga factor nga maka trigger og stress, labina sa mga pressure. Unya, ang stress usa ka killer nga hilom. Mopakita ang epekto niini pinaagi sa huna-huna ug physical. Mao ni ang usa sa mga trigger sa aneurysm, kanang pagbuto sa usa ka ugat sa utok nga kasagaran, kon grabe na, kamatayon ang sangkoan.

Ang usa nga epektibong pangkombate niini mao ang exercise, bisan unsa nga matang basta pasingot. Kanang makatulo sa usa ka semana, dako na kaayo og tabang sa tawo.

Ang usa sa mga dali kaayong maigo niani ang mga tawo nga 40 anyos pataas, labina niadtong mag midlife crisis. Naa ang mental nga mga sakit motumaw.

Makita ni nimo diha sa ilang ka irritable sa paglihok ug pagtagad ngadto sa uban.

Busa mas maayo nga atong tabangan ang atong kaugalingon pinaagi sa pag-exercise. Kon makagahin kita og bakasyon sa lagyo nga lugar, sa ehersisyo di na hinuon?

Biseklita

Mao nga nagsige ko og balikbalik aning biseklita as the best exercise kay mao lagi na, makasuroy ka pa. Unya, sa kabukiran, naa ang tanang maanindot nga mga talan-awon. Naa ang green nga palibot nga maka enhance sa atoang senses ug makapa-feel og kaanindot sa atoang paminaw.

Busa, gahini og panahon ang pag-exercise kay di na malalis ang benipisyo nga atoang makuha niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph