GIHIMONG special representative alang sa Russian- US humanitarian ties ang American action star Steven Seagal sa katuyoan nga mapalambo ang pakig-alayon sa duha ka mga nasod.
Nasayran nga sensitibo ang US-Russia relations diin base sa US Intelligence Agency, nipasangil sa Moscow nga nag-apil-apil sa pagdumala ni U.S. President Donald Trump sa pagdumala sa White House nga hugtanong gipanghimakak sa Russia.
Sa paningkamot nga mahilot ang kahiusan, napili si Seagal nga magsilbing taytayan alang sa kasabutan human nga nakita ang iyang maayong agi kaniadto isip UN goodwill ambassador.
“I’ve always had a very strong desire to do all I can to help improve Russian-American relations.
“I have worked tirelessly in this direction for many years unofficially and I am now very grateful for the opportunity to do the same thing officially,” tipik sa pamahayag sa 66 anyos nga martial artist sa dihang nahinabi sa Russian state TV.
Sa sayo pa, gihatagan ang actor ni Russian president Vladimir Putin og Russian passport niadtong 2016 nga nagsilbing simbolo ang kamahinungdanon sa maong pakig-alayon ngadto sa America.
Nasuta sab nga number one fan si Putin sa mga action-packed movies ni Seagal. (Reuters)