Presyo sa Durian mahal gihapon

BISAN pa og daghan nang Durian sa palibot sa Davao City, anaa gihapon ang kilo niini sa P100 ug magpadayon ang maong kilo hangtud pa sa sunod bulan.

"Hinay man gihapon ang suppy sa Durian, tungod ni sa init kaayo sa miaging tuig. Naa may supply pero dili kaayo daghan, tama-tama lang," ingon ni Ellen Ayoala ang karaang durian vendor sa Magsaysay Fruit Vendors Association, sa Magsaysay Park Davao City.

Giingon niini nga ang presyo ning tuiga dili na moabot sa presyo niadtong tuig 2015 nga anaa sa P20 per kilo.

"Mosamot pa gyod ni og kamahal kay gamay lang ang harvest unya daghan pa gyod og nagaangkat sa durian para sa ubang mga lugar," dugang ni Ellen.

Subay sa Philippine Statistics Authority (PSA) natala ang 20.52-percent nga miubos ang durian production volume sa Davao Region ngadto sa 53,805.71 metric tons (MT) sa 2016 gikan 67,697.44 MT sa 2015.

Sa Davao City, ang PSA nakatala og pag-ubos sa durian production gikan 37,181 MT sa 2016 ngadto na 35,766 MT sa 2017.

"Karong mga tuiga pod, hinay ang pagbunga," dugang sa negusyante nga si Ellen.

Dugang sa talaan sa PSA miubos sab ang ihap sa punoan sa mga durian gikan sa 2.76 percent ngadto na sa 818,270 durian trees sa 2016 gikan 841,476 durian trees sa 2015.

Usa sa mga rason niini mao ang pagputol sa mga punoan kung di na kaayo kini mohatag og bunga bisan pa kung dunay ibutang nga mga medisina.

“Price may range as low as P25 for street vendors up to P60 at known durian-selling outlets depending on varieties. And we are looking at a much lower price compared last year,” ingon ni Durian Industry Council of Davao City President Larry Miculob sa pakighinabi sa SunStar Davao, kagahapon. (GAD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph