55 anyos gitipi sa Pantukan

USA ka lalaki ang napalgang wa nay kinabuhi human gidunggab sa wa mailhing mga suspetsado didto sa lungsod sa Pantukan, Compostel Valley province, Miyerkules sa buntag.

Giila ang biktima nga mao si Jaime Maloloy-on, 55, ug molupyo sa Sityo Tabon-tabon, Barangay Magnaga, sa maong lungsod.

Sa report nga nakuha gikan sa Pantukan Municipal Police Station pasado alas 7:00 sa buntag, nasuta nga napalgan sa mga molupyo sa dapit ang biktima nga nagbuy-od ug wa nay kinabuhi.

Ang biktima nakaangkon og daghang mga samad dinunggaban sa kalawasan nga maoy gituohang hinungdan sa iyang hinanali nga kamatayon.

Sa inisyal nga pakisusi sa mga otoridad nasayran nga pasado alas 8:00 sa milabay nga gabii, uwahing nakit-ang buhi ang biktima nga nagbaktas pauli sa iyang pinuy-anan gikan nag-inom uban ang mga higala sa may Poblacion sa maong lungsod.

Gituohan nga ang biktima gipatay kini sa mga nakabikil niya tungod 'maoy' kini panahon nga mahubog.

Kapulisan sa lungsod sa Pantukan ang mihimo na karon og dugang imbestigasyon sa hitabo.

Samtang nagpadayon ang pagsusi sa kapulisan aron mailhan ang mga nagpaluyo sa krimen. (Marvin Pineda)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph