Lalaki naputla'g kamot

MIGAWAS ang bukog sa hawak ug bali ang kamot sa usa ka 29 anyos nga lalaki human nabangga ang gimanehong motorsiklo kagahapon mga alas 4:00 sa kadlawon sa lungsod sa Villanueva Misamis Oriental.

Giila ang biktima nga mao si Roldan Gallanes, 29, taga Poblacion lungsod sa Claveria kinsa gidala ning panahona sa Northern Mindanao Medical Center (NMMC) ning siyudad sa Cagayan de Oro.

Usa sa personahe sa NMMC nganahinabi sa Sun.Star Superbalita niingon nga kritikal ang kondisyon sa biktima ning panahona ug padayon pang giobserbahan sa mga doktor.

Nasayran nga paingon ning siyudad si Gallanes sakay sa kaugalingong motorsiklo dihang nabangga saten wheeler truck nga nibabag ug nakaparking tunga sa dalan.

Giingong hinay lamang ang pagkabangga sa biktima ngadto sa ten wheeler truck tungod kay nakamenor man kini apan ang sunod niining elf nga gimaneho ni Lito Concepcion, lumad nga taga siyudad sa Cotabato ang midumbol ni Gallanes hinungdan sa paglagpot niini gikan sa iyang motorsiklo ug nabunal ang lawas ngadto trak.

Gawas sa naputol nga kamot ug nigawas nga bukog nakaangkon pa og ubay-ubay nga bun-og sa lawas ang biktima ug pangos ang mga tiil niini.

Gidali pagdala ni Concepcion ang biktima sa NMMC apan padayon pa kining giobserbahan sa mga doktor labina kritikal ang kondisyon.

Samtang ang kaso gisunod na sa mga traffic investigator sa Villanueva Police Station.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph