SI 2017 Southeast Asian Games (Seag) judo bronze medalist Sydney Sy Tancontian maoy mag-coach sa 10-miyembro sa Davao City wrestling team sa Batang Pinoy 2018 National Championships s Septyembre sa Baguio City.
Si kanhi wrestling regional director Paolo Tancontian, miingon nga panahon na nga ipasa ang trono sa pagtudlo sa iyang anak nga si Sydney, kinsa bag-ohay lang miuli sa Davao City niadtong milabay nga semana human ang usa ka bulang training gikan sa Japan.
"She is the rightful to coach the athletes because she has the learned the fundamentals of the sports since she started apart from holding many wrestling competitions championship titles," ni Paolo.
Una nakuha sa University of Sto. Tomas, si Sydney nagpabilin nga way pildi sa Batang Pinoy Mindanao ug National championships sa judo ug wrestling.
Mihakot siya og pito ka bulawang medalya sa judo ug upat ka medalya sa wrestling sa maong torneyo.
Dugang sa amahan, nga si Sydney nagsugod na pagbansay niadtong milabay nga semana sa Holiday Gym and Spa diin magpadayon kini sa sunod bulan.
Ang Davao City's wrestling team langkuban sa mga estudyante sa Leon Garcia National High School nga paga-ulohan sa magsuong Amaya.