ANG GMA Kapuso Oppa Alexander Lee ug kaubang Korean singer nga si Marucci mihatag og kalingawan ug kalipay sa ilang Dabawenyo fans niadtong Sabado sa hapon didto sa Abreeza Mall Davao.

Gikanta nila Lee ug Marucci ang ilang bag-ong single nga gitawag og "Keep Ya Head Up."

Ang ilang duo gitawag og AXM moprodyus pa og mga kanta nga makahatahag og inspirasyon sa ilang tigpamaninaw.

Una niini, si Alexander mipagawas sa iyang latest project sa Instagram diin mibalik siya sa Pilipinas tungod sa pahigugma niya sa musika, "The reason why I'm in the Philippines: Music collaboration project (Alexander X Marucci). “Keep Ya Head Up” – a song with meanings behind... a song to cheer you up... a song to comfort you. Never thought I’ll be doing music again... Hope you’ll like it. Love y’all."

Ang ilang mga fans mipakita sab og suporta ug naghinam-hinam na makadungog sa ilang mga kanta.

Ang "Keep Ya Head Up" mapaminaw ug ma-download sa Melon, iTunes, Spotify, Mnet ug laing nanguna music sites worldwide.