ADUNAY P13 nga budget ang usa ka piniriso matag kaon sa Misamis Oriental Provincial Jail (MOPJ).
Kini ang gikumpirma ni MOPJ Jail Warden Dominador Tagarda diin matud niini nga paigo na kini sa us aka piniriso sanglit ila man kini usahon aron makapalit og pagkaon nga puno sa nutrisyon.
Gibutyag ni Tagarda sa SunStar SuperBalita nga mando ni Misamis Oriental Governor Bambi Emano nga gamay man o dako ang budget sa priso sa matag adlaw ilang sigurohon nga saktong nutrisyon ang ilang makaon tungod kay adunay nutritionist nga magsusi ug nag-monitor sa ilang mga gikaon.
Gipaniguro sab niini nga insakto ang pagpang-apod sa mga pagkaon sa matag selda aron walay mahay ug mahatag ang ilang panginahanglan.
“Igo kaayo kini kay wala man gyod tay cutting diha. Anaa tay nutritionist nga gamonitor sab sa sakto nila nga pagkaon ug galotoun,” matud ni Tagarda.
Ang maong kantidad deretso nga ipangompra og isda, karne, mga utanon ug uban pa.
Adunay 700 kapin ka mga priso ang anaa sulod sa MOPJ diin 49 niini mga female inmates.