USA lamang siya sa mga indibidwal nga nangandoy nga madungog ang boses sa radyo, natuman niya kini, apan wa siya miundang ug gi-evolve pa ang kaugalingon.
Natuman niya kini sa pag-angkon sa nagkadaiyang raket, nga pwede niyang mapuslan, mokita siya ug siyempre makat-on.
Si Ricky L. Baltolore from General Santos City, o DJ Kokoy Martin sa MOR 101.1 gi-explore ang kaugalingon, as a DJ, events host ug pagka-negusiyante.
Nakahuman sa kursong Bachelor of Science in Hotel and Restaurant Management (BSHRM) niadtong 2012 sa Philippine College of Technology, unang sabak niya sa radyo dihang siya si Janitor Jack sa 96.3 Star FM Davao, from 2013-2015.
“I am happy ug proud kay maka-inspire ko og mga tawo lalo na mga kabatan-onan nga mas magpursige pa sa kinabuhi. Tapos ma-engage ang listeners nga di lang maminaw sa radyo, but also spread awareness,” niya dihang gitsika unsa ang makapadasig kaniya as a radio personality.
Dugang pa niya nga isip DJ dili lamang kutob sa pagpatukar og musika ang iyang goal, apan adbokasiya sab niya ang pagtabang uban ang mga nahimamat niyang listeners.
Dinhi naga-organize siya og mga charity events diin kaabag niya sa programa ang mga listeners niyang gikonsidera niyang Kapamilya.
Aminadong dili forever ang kasamtang trabaho karon, gisuwayan niya og venture ang negusyo, diin gisulod niya ang food industry.
“Moabot ang time nga need na nako mag-settle for my own family and need another source of income to have a stable life nga di mag nganga.”
Gimugna niya ang Koyan Food Products, diin mga produkto niini gilangkuban sa toyo, dishwashing liquid, cooking oil ug uban pa.
Bisan og busy, unang prayoridad gihapon ni Kokoy ang pamilya.
“I still find time nga maka bonding ako pamilya. Nakaya ra man.”
Sa hinay-hinay na niyang pag-angkon sa iyang goal karon sa kinabuhi, dugang ni Kokoy nga ultimate plan sab gyud niya nga mauban sa biyahe ang ginikanan.
“Gusto nako magtravel sa laing bansa kauban akong parents, for them to experience sa mga butang nga di namo kaya mabuhat sa una tungod sa kapobrehon.”
Sa kasamtangan madungog si Dj Kokoy sa programang More Na Ron Busdaki from 6:50 a.m. as Senador Manny Pak Ganern ug 7:30 a.m. sa mga Gapnud sa Kinabuhi Version 3.0
with DJ Yanyan Pasayan Tsonggo, Boyaks, Apyot, DJ Bombae, Budoy, Aljunjun Abersamin & Inday Siryaka.
Ratsada sab siya sa More sa Umaga, 7-11 a.m.
Madungog sab siya sa dxAB Radyo Patrol 1296, 11-12 noon.
Tuod man ang pagkab-ot sa imong goal sa life, makuha sa inanay nga pamaagi ug sa dasig nga paningkamot. Molambo ka ug maangkon ang kinauyukan sa damgo kung anaa ang kaikag sa unsa mang buot nimong buhaton.