ABUYOG, LEYTE - Mga sakop sa Leyte Regional Prison (LRP), gi-ambush sa Barangay Cadac-an, lungsod sa Abuyog, Leyte.
Base sa report sa kapulisan, tulo ang kumpirmadong patay nga giilang sila si Jelanie Almario, executive secretary, CO1 Randy Pantano ug CO3 Nelson Padagdag.
Lakip sa biktima mao si outgoing LRP head, Supt. Geraldo Aro kinsa giingong samdan.
Si Aro ug mga kaubanan sakay sa ilang service human sa turn over ceremony sa LRP padung sa DZR Airport.
Giingong duha ka van ang nagsunod sa grupo diin usa ang mi-overtake ug mibabag ug mipauwan og bala.
Makita ang daghang bangag sa service vehicle sa atubangan ug kilid nga bintana. JKDP