ANG National Historical Commission nibutang kagahapon og historical sa Basilica del Sto. Niño nga gipangulohan ni Fr. Rene R. Escalante kagahapon alas 9 sa buntag.
Ang marker nag-ila sa nabuhat sa labing unang lima ka mga paring Agustinian nga nagsabwag sa maayong balita sa nasud kaniadtong Pebrero 13, 1565 nga gipangulohan ni Padre Andres De Urdaneta.
Ang mga paring Agustino adunay tulo ka mga kontribusyon nga giila sa nasud.
Una ang pagtukod sa mga simbahan nga giisip nga nasudnong panulondon.
Ikaduha mao ang kontribusyon sa edukasyon sa mga Pilipino.
Ang ikatulo mao ang pagsaulog sa Sinulog matag Enero alang sa kapistahan ni Senior Santo Niño.
Matod ni Fr. Andres D. Rivera, Jr. ,ang marker nagpakita sa sinugdanan sa Kristiyanismo uban sa presensya sa mga paring Agustino sa nasud.
“As Filipino Augustinians, we accept this historical marker with great pride. Indeed our country has a colorful history. The marker will only try to present simple beginnings of the evangelization in our country and the abiding presence of the Augustinians as a testament of the religious commitment to contiue the legacy and spirit of the first missionaries and also contribute the ever growing church in the Phillipines,” pasabot ni Rivera.
Gikwestyon sa NHC ang pagbutang sa maong historical marker tungod sa kadaghan nang mga marker nga makita sa simbahan, apan adunay mga hinungdan nga gihatag si Escalante aron maaprobahan ang pagtukod niini.
Kini mao ang mga kontribusyon sa mga paring Agustino sa Pilipinas hilabi na sa langyaw nga arkitekto kaniadtong 1933 diin ang mga simbahan giila sa Unesco ug World Heritage Sites.
Sa laing bahin, giimbitar ang Santo Papa sa pagtambong sa 500th anniversary sa pagka Kristiyanos sa nasud.
Ang kagamhanan ug ang Catholic Bishops Conference of the Philippines (CBCP) maoy siguradong mo imbitar ni Pope Francis.
Ang mao nga tinguha gisuportahan sa lokal nga mga opisyal, labina sa Kapitolyo ug Cebu City. Maria Jenesis G. Empasis, CIT-U Intern