Sinardinas nga prisohan sa Davao Region

TUNGOD sa gipakusgang kampanya batok kriminalidad ug ilegal nga druga, paspas nga mitaas ang ihap sa mga piniriso; ug tungod niini, anaay Top 10 nga prisohan ang Bureau of Jail Management and Penology (BJMP)-Davao Region nga dunay pinakadaghang piniriso.

Sumala ni Jail Inspector Edo Lobenia, BJMP-Davao Region community relations service officer chief ug spokesperson, nga bunga kini sa gipakusgan nga kampanya sa Duterte administration sa pagbatok sa ilegal nga druga ug kriminalidad sa nasud.

Atol sa AFP-PNP press conference Miyerkules, Agosto 8, gibutyag ni Lobenia nga kini ang usa sa mga problema karon nga giatubang sa BJMP-Davao Region ang paspas nga pagtaas sa ihap sa mga piniriso ug kuwang ang mga pasilidad.

Usa sa mga top congested detention facility mao ang Panabo City District Jail nga naa lang unta'y 53 ka mga piniriso apan sa karon anaa na kini sa 454 inmates, mitubo og 764 percent congestion rate; gisundan kini sa Davao City Jail-female dormitory nga angay lamang unta nga dunay 72 inmates apan ang populasyon niini karon anaa na sa 567 misaka sa 691 percent congestion rate.

Ang Digos City District Jail nga masudlan lamang unta og 100 inmates, apan ang gidaghanon karon sa piniriso moihap na sa 773 inamtes nga dunay 670 percent congestion rate; Davao City Jail Annex nga unta 99 inmates lang, karon miihap na sa 747 nga dunay 658 percent congestion rate; Davao City Jail nga unta 460 inmates capacity apan karon anaa na sa 3,300 ka mga inmates nga dunay 617 percent congestion rate ug ang Digos City Jail District Jail – Female Dorm nga dunay 14 inmates lamang, karon 80 na ug dunay 478 percent congestion rate.

Sa Montevista District Jail nga 79 inmates lamang unta ang kinahanglan isud, karon anaa na sa 447 nga dunay 465 percent congestion rate; sa Island Garden City of Samal (Igacos) nga 21 inmates lang unta, karon anaa na sa 78 inmates kon 267 percent congestion rate; Tagum City Jail nga dapat 100 inmates lang, karon anaa na sa 315 kon 214 percent congestion rate ug ang Tagum City Jail – Female Dorm nga mosud lang og 32 ka piniriso, karon anaa na sa 47 kon 47 percent congestion rate.

“Whether we like it or not, we have to accept [the inmates] because there’s a commitment order coming from the court where we are mandated to detain these accused,” ingon ni Lobenia.

Aron masulosyonan kini nga problema, naningkamot ang BJMP nga mapadali ang mga gipanday nga mga jail facilities nga gipatukod sa gobyerno sama sa mga pasilidad nga padayong gipamanday sa Davao City Female Jails, Digos City Jail, Montevista, ug sa Davao City Annex.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph