USA ka sako nga bugas ug P5,000 matag bulan ang giingong gipasalig sa mga lider sa New People’s Army (NPA) ngadto sa ilang mga membro.
Kini ang gibutyag sa ilang mga membro nga mitahan balik sa gobiyerno sa Impasug-ong, Bukidnon niadtong niaging adlaw apan bisan usa niini walay natuman.
Gawas niini ilang gibulgar nga pangayoan usab sila og P10 matag tawo ug mag-harvest pa kini sa mga uma sa katawhan alang sa ilang dugang suplay.
Kini ang rason nganong nagkalisod ang katawhan sa komunidad sumala sa pamahayag sa mga membro sa Guerilla Front 4B (GF4B) nga miatubang sa 8th Infantry Dependable Battalion (8IB) sa Sitio Mahagwa, Brgy Hagpa, susamang lungsod niadtong Martes August 7, 2018.
Gibutyag ni Major General Ronald Villanueva, ang Commander sa 4th Infantry Division, Philippine Army nga seryoso sila sa pagpahunong niining mga walhong grupo.
Matud ni Villanueva nga duna silay mga nadawat nga mga taho nga daghan sa mga NPA ang nagpalong mobalik sa sabakan sa gobiyerno tungod sa dili tiaw nga kalisud sa bukid.
Giaghat pa niini ang laing membro nga bukas sila kanunay sa pagdawat sa ilang pagbalik sabakan sa gobyerno.