HUMAN sa gihimong necropsy sa napalgang patay nga butanding sa baybayon sa Barangay Cabugan, Tagum City, Davao del Norte, Martes sa kaadlawon, nakita ang daghang plastik gikan sa iyang lawas.
Ang necropsy gihimo sa marine biologist nga si Darrell Blatchley, nanag-iya sa D'Bone Collector Museum sa Davao City, nagkanayon nga namatay ang butanding tungod sa "plastic ingestion."
"In the last 9 years I have done the Necropsy of 60 whales and dolphins. Countless Turtles and a Megamouth Shark and now a Whale Shark. The thing ALL BUT 12 had in common? Man caused their death. Fishing nets, speared, dynamite fishing, and Plastic ingestion. Nothing changes," tipik sa Facebook post ni Blatchley.
Nanawagan si Blatchley ngadto sa tanan nga panggaon ang kinaiyahan, likayan ang paglabay og sagbot sa sapa, dagat ug bisan asa.
Di kini ang unang higayon nga may dakong sea creature ang naanod sa baybayon sa rehiyon.
Sa report, 2016, usa ka juvenile sperm whale ang nakita sab nga patay sa Barangay Miranda, Babak District sa Island Garden City of Samal (Igacos), Davao del Norte.
Sa necropsy report nakita nga sud sa tiyan sa mammal dunay mga toxic foreign materials nga gilantaw nga rason sa iyang kamatayon. (Rhona Goc-ong-Villariasa)