SECTIONS
Saturday August 18, 2018
SUPERBALITA CAGAYAN DE ORO

Training sa barangay tanod gisugdan na

GIPAHIGAYON sa Biyernes ang unang adlaw sa orientation training sa bag-ong hugpong sa barangay tanod nga magsilbing kaabag sa kapolisan pagbantay sa kahusay ug kalinaw sa dakbayan sa Cagayan de Oro.

Gilaumang daghang makat-onan ang dul-an 200 ka mga Barangay Tanod sa tulo ka adlaw nga training alang sa 1st batch sa bag-ong hugpong sa Tanod gikan sa Barangay 1 hangtod 20, Barangay Nazareth ug Macasandig.

Gibutyag ni Kapitan Marlo Tabac sa Barangay Gusa nga dako kaayo ang tabang sa mga tanod alang sa pagpatuman sa kahusay ug kalinaw sa matag Barangay ug sa siyudad.

"More than half sa among problema ang ilang masagubang labi na panahon sa kagabhi-on," matud ni Tabac.

Karong panahona padayon pa ang mga bag-ong set sa Barangay Tanod sa orientation nga gipangulohan usab kini sa City Department of Interior and Local Government.

Nasayran nga obserbahan pa ang mga bag-ong tanod diha sa pagpahigayon sa tulo ka adlaw nga training.


VIEW COMMENTS