SECTIONS
Saturday August 18, 2018
SUPERBALITA CAGAYAN DE ORO

3 ka barangay mipatuman sa ‘No segregation, No Collection Policy’

TULO lamang sa 80 ka mga barangay ang nagpatuman sa No segregation, No Collection Policy sa dakbayan sa Cagayan de Oro.

Gibutyag ni Edgar Naguio, IEC team sa Solid Waste Management program sa dakbayan, nga tulo lang ka barangay ang mipatuman sa pag segregate sa mga basura.

Kini mao ang Barangay Gusa, Barangay Tablon, ug Barangay Canito-an nga naningkamot nga subling makuha ang rekord nga mao’y midaug sa Oro Kalimpyo Award.

“Kana lang tulo ka mga barangays, makita gyud nato ni nga naa gyu’y pagpaningkamot nga mapahapsay nila ilang garbage collection and management,” pahayag ni Naguio.

Nasayran nga ang kolektahon lang sa dakbayan mao ang residual waste samtang ang sa barangay ang mga basura nga biodegradable ug recyclable materials nga mahimong pang magamit.

Samtang nabalaka ni Armen Cuenca ang pangulo City Local Environment and Natural Resources Office (Clenro) nga dili maabtan sa tagal nga 20 ka tuig ang bag-ong basurahan o dumpsite sa dakbayan kong madisplina ang mga tawo sa paglabay sa ilang basura.

Gibutyag usab ni Elvisa Mabelin sa Solid waste Management nga sa rekord anaa sa 35,000 cubic meter matag bulan ang average sa basura nga mahipos sa dakbayan diin 1,000 tons kada adlaw ang average.

Ang 63 porsinto niini mao ang basura nga malata nga unta sa Barangay lang kini alang sa ilang composting.


VIEW COMMENTS