SECTIONS
Wednesday, December 19, 2018

Talento: Prostituted prayer (Ikaduha ug katapusang gula)

Panlantaw

"DILI ba ang simbahan ang mogiya aron mahimo kitang lig-on sa espirituwal nga bahin?"

Apan kon ikaw mag-ampo, sumulod ka sa imong lawak, ug sirad-i ang imong pultahan, mag-ampo ka sa imong Amahan nga anaa sa tago; Ug ang imong Amahan, nga nakakita sa gibuhat sa tago, moganti kanimo. Ug sa diha nga ikaw mag-ampo, ayaw sama sa mga pagano.

Ako kining nahisgutan kay tungod sa pagkadismaya sa mga tawo sa simbahan nga mas aktibo pa nga sa pag-"prayer rally" sa kadalanan ug pagtambong sa mga kalihukan sa mga dilawan. Ang mga pari ug madre nga sige's pa-interbyu sa telebisyon, dyaryo ug radyo nga daw kuno nagpakabana sa lisud nga kahimtang sa mga Pilipino.

Intawon, sister, father ug brother, si Hesus mismo kaadlawon ngadto sa mingaw'ng dapit nagaampo. Basaha ra god ang Mark 1:35- "Sayo sa buntag, samtang ngitngit pa, mibangon si Jesus ug milakaw ngadto sa kamingawan aron mag-ampo." Kung si Hesus gani nagpakahilum, nganong banha kaayo mo karon? Wala na moy kalainan sa mga politiko nga nagpaluyo ninyo o ginapaluyohan ninyo! Unsa na lamang inyong itudlo sa katawhan nga kamo mismo namolitika naman? Ang prayer nahimo nang political activity kay nag-showcase na sa ilang "power" or "number".

Ako nagatuo nga kung iagi nato tanan sa pag-ampo, makalihok og taman ang Ginoo. Ang bili sa pag-ampo nahimo nang sama sa pamuring o pamurikat o "prostituted prayer," migo, kay ang mga lider sa simbahan (DILI TANAN) gibutang na ang ang kaugalingon o ang mga talento ngadto sa usa ka dunot nga paggamit o katuyoan alang sa personal o pinansiyal nga ginansiya. Dili na gayud mo makapaabot sa lihok sa Ginoo mao nag-una-una na mo? Lord, have mercy!

Dili ba ang simbahan ang mogiya aron mahimo kitang lig-on sa espirituwal nga bahin? Nganong mga politiko na man ang ilang gina-endorso? Dili ba karnal kini nga pamaagi, migo? Hala, manubag gayud kamo sa maong binuhatan atubangan sa Ginoo kay mora'g wala na mo namao!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!