SECTIONS
Friday August 17, 2018
SUPERBALITA DAVAO

Nakadispalko gipusil-patay

DAVAO. Nahagba ug naglunang sa iyang dugo ang usa ka roof installer samtang dala pa ang iyang mga himan, human gipusil sa wa pa mailhing mamumuno sa Brgy. 19-B, Davao City, kagahapon. (Photo courtesy of Davao City police)

GIPATAY ang usa ka roof installer human giingong di kini mohuman sa iyang trabaho kung makuha na niini ang bayad sa iyang mga kliyente.

Patay ang usa ka Mark Anthony Tala Tolentino, 30-anyos, nagpuyo sa Bajada, Barangay 19-B, Davao City human gibanhigan sa duha ka mamumuno sakay sa way plaka nga motorsiklo alas 7:50 kagahapon sa buntag didto sa Silver Street, Mineral Village, Circumferential Road, Brgy. 19-B, Davao City.

Nasayran nga nagbaktas ang biktima sa Silver Street dala pa niini ang iyang mga kahimanan sa pagtrabaho dihang kalit miabot ang mga mamumuno, dayon gipusil ang biktima nga misangko sa iyang kamatayon.

Suma sa asawa niini nga si Jocelyn Tolentino nga daan nang nakadawat og hulga sa kinabuhi ang iyang bana gikan sa wa nila mailhi nga numero.

Apan ang kapulisan nakakalap og impormasyon nga daghan na kaayo og mireklamo sa biktima gumikan di na niini tiwason og human ang iyang trabaho labi na og makuha na ang bayad.

Ang patay nga lawas sa biktima gidala sa Angel Funeral Parlor sa dalang F. Torres ning siyudad samtang ang kapulisan padayong naghimo og imbestigasyon sa hitabo.


VIEW COMMENTS