ITOM nga baboy ang tawag sa akong singko anyos nga pag-umangkon sa sinugbang baboy tungod sa mga pagod-pagod ini ug humot nga aso nga nangamay ug nagdala’g ‘come here’ sa mga mamalitay.
Bitaw, ambot kay bisag unsaon ta pag-discourage, ang ka humot ug lasa ini di man mabangbang sa kalami labi na og diha daplin sa dalan isugba.
Apan kahibalo ka ba unsa ka hugaw ang baboy?
Sa artikulo nga sinuwat ni Dom Laguan nga nag-ulohan og ‘13 problems with pork’, ang baboy iyang gihulagway nga usa ka buhing basurahan kay halos tanang basura kan-on man ini lakip iyang kaugalingong hugaw ug ihi hasta sa ubang mananap, mga subra ug bahaw nga pagkaon sama sa lamaw, nangalata, gipang-ulod ug gilangaw nga karne ug utanon ug uban pa.
Ang unod ug tambok sab ini sama sa espongha ka kusug mosuyop og toxins maong ang iyang karne 30 ka beses nga mas toxic itande sa baka. Kaduhaon sab ang gidaghanon sa tambok ni-ini.
Di sab ni sila panington maong ang toxins di kaguwa sa panit ug magpabilin sa ilawom. Mao sab ni rason nganong gipahinay-hinay ta pagkaon sa kagubkob nga Chicharron ug lamiang Balbakuwa.
Nakita sab nga ubay-ubay ang mga parasites o bitok sulod sa lawas sa baboy sama sa tapeworms, flukes, trichinae. Kon di insakto sa ka init para mapatay panahon sa pagluto ini, may puruhan kining mangitlog ug manago sa ilawom ug ugat-ugat. Kung kini atong makaon, mosanay kini sa atong lawas.
Kining lugos makita nga gagmay’ng bitok nga trichinae, kon hilaw-hilaw nga makaon delikadong makasulod sa tinae, kaunuran, bukog ug utok. Ang resulta sakit nga trichinosis nga usahay masaypan sa sakit nga typhoid, arthritis, gastritis, meningitis ug problema sa gall bladder.
Kining baboy makadala sab og kapin 30 ka lain-laing sakit nga daling motakod sa tawo ilabi na kon ‘double dead’, pasabot ini patay na daan sa sakit una gilapa. Gani ang atong Magbubuhat ni mando sa dili bisag paghikap sa patay nga lawas niini sa ka hugaw (mabasa sa Leviticus 11:8).
Better safe than sorry.