SECTIONS
Friday, October 19, 2018

Cuizon ibalhin sa Central Luzon

GIKATAKDANG hulipan sa iyang katungdanan si Director Ahmed Cuizon sa Land Transportation Franchising and Regulatory Board (LTFRB) 7 karong Lunes.

Ang modumala sa LTFRB Central Visayas mao ang Director sa LTFRB 9 nga si Eduardo Montealto, usa ka retired colonel sa Philippine Air Force.

Ang pagbalhin ni Cuizon daw nagsilbing promotion sanglit gihatagan siyag dako ug lapad nga responsibilidad human gitugyan ni Chairman Martin Delgra ang Central Luzon (Region 3) ngadto sa abilidad ni Cuizon.

Si Delgra nipahigayon og lahugay sa iyang mga directors sa lainlaing rehiyon ug si Cuizon ang napilian nga maoy modumala sa Central Luzon nga adunay pito ka mga probinsya, 14 ka siyudad, 116 ka lungsod nga gibahin 3,102 ka barangay nga adunay 20 ka distrito ug gipuy-an sa 11.2 milyones ka mga tawo. PAC


VIEW COMMENTS