SECTIONS
Thursday August 16, 2018
SUPERBALITA CEBU

Priso sa CPDRC giatake, patay

LAING priso sa Cebu Provincial Detention and Rehabilitation Center (CPDRC) namatay tungod sa sakit sa kasingkasing.

Kapitolyo ug CPDRC management nagtuo nga ang kahuot sa prisohan nakatampo sa pagtumaw sa mga sakit sa mga piniriso.

Gikompirmar ni CPDRC Warden Reynaldo Valmoria ang kamatayon sa piniriso nga si Democrito Gallarde, taga lungsod sa Tuburan, nag-atubang og drug cases.

Cardiogenic shock secondary to decompensated heart failure maoy gitumbok nga hinungdan sa iyang kamatayon.

Tulo na ka adlaw sa Vicente Sotto Memorial Medical Center ang piniriso sa wa pa mamatay pasado ala una kagahapon sa kaadlawon.

Niadtong Sabado, unang namatay sud sa prisohan ang priso nga si Roland Fuentes, 41, lumad sa Argao, Cebu diin cardiac arrest usab ang gikamatyan.

Nagtuo si Valmoria nga ang kahuot sa sitwasyon sa ilang mga selda nga napuno na sa mga piniriso, maoy rason sa pagtumaw sa nagkadaiyang sakit.

Sa pagka-karon, moabot sa 3,981 ang mga piniriso sa CPDRC. AZLG


VIEW COMMENTS