SECTIONS
Wednesday August 15, 2018
SUPERBALITA CEBU

LCPO milusad sa ‘clean riders,’ mosobra sa 1k ang miapil

Clean Riders. Gibutangan ni P/SSupt. Limuel Obon og sticker ang motorsiklo nga miapil sa paglusad sa Clean Riders sa Lapu-Lapu City kagahapon. (Reyna Mae Fatima Lopez, USJ-R Intern)

MOKABAT sa 1,200 ka mga stickers alang sa Clean Riders gipanghatag atol sa paglusad sa PNP “Clean Rider sa Lapu-lapu City Sports Complex.

Kini nga proyekto gipangulohan ni Philippine National Police Director Oscar David Albayalde, nga matod ni P/SSupt. Lemuel Obon, usa ka pud ka rider.

“This is our way to address our problem in motorcycle riding suspects (MRS) and para ma-minusan pod ang complaints sa atong mga motorista nga malangay kay amo nang susihon matag-usa,” matod ni Obon, hepe sa kapulisan sa Lapu-Lapu City.

Tinguha sa Campaign: Clean Rider, mas mapahugtan pa ang seguridad ug kaluwasan sa mga motorista sa karsada, aron mas mapadali pa ang checkpoint sa kapulisan ug mas madali ang pag-ila sa mga motoristang mosupak sa balaod sa trapiko ug ang mga nalambigit sa krimen.

Gibana-banang 1,000 kapin ang mga motorista nga nisalmot ug nagparehistro sa ilang mga motorsiklo.

Usa maka pamiyembro sa Clean Rider kinahanglang makapasa sa requirements niini: Official Receipt, Certificate of Registration, lisensya ug valid identification (ID) card.

“Each rider will present OR of the vehicle nga legitimate na siya and then card or license, and then iba-background pa nato og wa na sa among listahan. Kon wa ba ni sa atong watchlist. Kon ‘clean’ gyud siya, with the word ‘clean’, tagaan na siya’g sticker. Then there is another sticker nga may serial number, ipapilit didto sa luyo sa lisensya,” pasabot ni Obon.

Si PO2 Francis Baculi nagkanayon nga kini nga requirements magsilbing kamatuorang ‘clean’ sila, di lang sa ilang pagmaneho sa ilang tagsa-tagsang motorsiklo, kon di magsilbi sab silang mata ug dunggan alang sa pagtabang sa pagpugong sa krimen.

Kining kampanya sa Clean Riders di lamang alang sa mga habal-habal drivers kon di sa tanang nanag-iya og motorsiklo.

Giawhag ni Obon ang mga nakapanag-iya og mga motorsiklo nga wa pa nakapa-miyembro sa Clean Riders sa pagduol sa pinakaduol nga “Police Precint” kon asa sila nahimutang ug sa pagpasa sa mga requirements nga gikinahanglan. Reyna Mae Fatima Lopez & Ma. Devorah Taneo, USJ-R Interns


VIEW COMMENTS