SECTIONS
Wednesday August 15, 2018
SUPERBALITA CEBU

Dunay quota ang mga pulis?

NUNOT sa sunodsunod nga insidente sa pagpamusil-patay sa Metro Cebu, nakapangutana si Ilocos Norte Governor Imee Marcos kon tinuod ang taho nga adunay quota ug reward system ang kapulisan.

Gawas niini, iya sab gikwestyon ang basehan sa “underperformance” sa mga police official ug kon unsay mga sukdanan niini.

“Is it true that the quota and reward system in the police is in place? And the “underperformance” (in our police officers) is now defined?” matod ni Marcos dihang nahinabi sa Superbalita Cebu.

Si Marcos anaa sa dakbayan sa Sugbo kagahapon sa buntag.

Siya maoy guest speaker sa ikatulong quarterly seminar ug meeting sa Philippine Association for Government Budget Administration Inc. didto sa Waterfront CebuCity Hotel and Casino nga gitambungan sa libuan ka mga partisipante.

Naalarma si Marcos sa sunodsunod nga patay sa Sugbo tungod kay niadtong Huwebes, nibisita man kini sa lungsod sa Sibonga ug nitambong sa Bonga Festival nga usa sa mga dakong kalihukan sa kapistahan sa lungsod niadtong Huwebes.

Nahibawo na siyang daan nga sayo ning semanaha wa pa siya maabot sa Sibonga, si Von Rian Tecson, usa ka Philippine Drug Enforcement Agent (PDEA) 7 agent, ang gi-ambush sa Carcar. JPP


VIEW COMMENTS