SECTIONS
Wednesday, December 19, 2018

Pulis naunay ra sa iyang pusil?

NAUNAY sa iyang armas, di sa pag-ambush sa usa ka anti illegal drugs agent, ang hinungdan sa pagkaangol ni SPO1 Roderick Balili.

Sukwahi kini sa pagtuo nga siya kadtong gun man nga nibanhig patay kang Philippine Drug Enforcement Agency (PDEA) 7 Agent Von Rian Tecson, nga matod pa, nakabawos sa pagpusil.

Una nang nitug-an ang mga nakasaksi sa pagpamanhig nga naka igo si Tecson sa usa sa mga gun man sa dihang misuway pag abli sa pultahan.

Matod ni Police Regional Office Office Director Chief Supt. Debold Sinas, way kalambigitan ang pagka angol ni Balili sa pag-ambush kang Tecson.

Giingong didto sa bukirang barangay sa Pinamungajan ang team sa Regional Special Operations Group 7 (RSOG) pasado alas 11 Miyerkules sa buntag aron dakpon ang giila nga most wanted person sa probinsya sa Sugbo nga si Nilo Quirante.

Nakadawat og report ang RSOG-7 nga nasigpatan si Quirante sa dapit.

Aduna kini warrant of arrest sa kasong murder ug may kalabutan sa illegal nga drugas sa habagatang Sugbo.

“Spo1 Roderick Balili is under RSOG-7. He is under the control ng R2. The group of Balili was officially dispatched to verify the reported presence of Nilo Quirante, a known drug personality operating in Dumanjug at sa mga karatig na municipalities,” matod ni Senior Superintendent Remus Medina, hepe sa RSOG 7.

Sakay ang tulo ka mga pulis sa puti nga awto samtang si Balili naa sa luyo naglingkod, apan sa dihang gipasa sa driver ang 9mm nga armas, kalit kini nibuto nga miigo sa tiyan ni Balili. AYB


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!