SA unang higayon, ang Bisaya nga si Chai Fonacier gipares ni Edgar Allan Guzman sa pelikula nga ‘Pinay Beauty’ ubos sa direksyon ni Emilio Jay Abello alang sa Quantum Films.
Ang nag-unang bituon sa pelikula nga sila si Chai ug Allan uban sa beauty queen nga nisud sa pagka-actress nga si Maxine Medina ug si Hannah Ledesma dinhi sa Sugbo kagahapon sa hapon aron pag-promote sa ‘Pinay Beauty’ pinaagi sa pakighinabi sa mga sakop sa entertainment press ug pagpahigayon sa hamubong mall show sa Robinson’s Galleria Cebu.
Ang maong pelikula moabli sa tanang sinihan sa tinuok nasod katrng Agusto 15 ug tampo o kabahin kini sa Pista ng Pelikulang Pilipino (PPP) nga magsugod usab sa Agusto 15 ngadto sa 21, 2018.
Ang Pinay Beauty’ istorya sa daghang hagit sa kinabuhi sa usa ka Pinay mugna sa demanda sa iyang palibot, dili lang sa iyang kolor lakip sa leksiyon sa relasyon ug ang matuod nga gugma.
“Daghang leksiyon nga makat-onan sa movie..,” matod ni Chai, kinsa Best Supporting Actress winner sa 2017 Film Academy of the Philippines Awards alang sa ‘Patay Na Si Hesus’, ug 2nd EDDYS’ Choice sa Society of Philippine Entertainment Editors (SPEEd) sa ‘Respeto’.
Ubang cast naglakip nila ni Janus del Prado, Nico Antonio, Mariko Ledesma, Amable TikotAguiluz VI, Allan Paule, Lou Veloso, Joel Saracho, Richard Somes ug uban pa. (RRM)