MOABOT ngadto sa 170 ka mga iro ug iring ang libreng nakapon ug natangtangan og matris sa usa ka libreng spay ang neuter nga gipahigayon sa Misamis Oriental Provincial Veterinary Office.
Matud ni Dr. Benjamin Resma ang Provincial Veterinarian nga kung dili kini libre moabot gyod ngadto sa P6,000 ang balayrunon sa pagpatang sa matris tungod kay major ang operasyon niini samtang moabot sa P3,000 ang kantidad sa gipangkapon.
Tumong niini nga maubsan ang pagsaka sa populasyon sa mga iro ug iring gawas niini malikayan sab ang rabies nga mahimong makapatay kon makapaak.
Labina gyod ang iro nga anaa sa iyang laway ang rabies ug delikadong makapaak kon dili mabakunahan.
Ang maong libreng pagkapon ug pagtangtang sa matris gipahigayon niaging adlaw didto sa lungsod sa Tagoloan, Misamis Oriental kauban ang mga doctor gikan sa Philippine Veterinary Medical Association (Northern Mindanao Chapter).
Ang iring adunay 14 ka mga natangtangan og matrisug 9 niini ang nakapon samtang ang iro adunay 56 ka mga natangtanan og matris ug 91 niini nakapon.
Sa kinatibuk-an sa Misamis Oriental sa ikaduhang kwarter moabot na ngadto sa 15,362 ang gilangkoban sa iro samtang 15, 238 ang iring ang nakapon ug nakuhaan og matris. (SVB)