USA ka watercolor & drawing workshop ang ipahigayon karong Agusto 25, Sabado, sa SM City Cebu isip fundraising event alang sa mga bata nga ubos sa pag-atiman sa SOS Children’s Village Cebu.
Ang workshop fee nagkantidad og P900 nga naglakip sa cover color mixing, watercolor washes, ug doodling people ug animals.
Ang batch 1 magsugod sa alas 12:30 ngadto sa alas 3:30 sa hapon ug mosunod ang Batch 2 sa 4:30 p.m. ngadto sa 7:30 p.m.
Amg materials mahimong mahuwaman gikan sa Faber-Castell Philippines diha sa venue.
Alang sa pag-sign up, palihog sa pag-log on sa bit.ly/watercolorcebu o tawag kang Babelyn Cabalar pinaagi sa 09985811487.
Ang SOS Children’s Villages usa ka independente, non-governmental international development organization diin nag-atiman sa panginanglan ug nanalipod sa mga katungod sa bata sukad niadtong 1949. Kini nakaplagan ni Hermann Gmeiner sa Imst, Austria.
Sa Cebu, ang SOS Village naa sa Barangay Talamban. Niabli niadtong 1982 diin dunay 12 ka mga pamilya nga panimalay, village director’s house, usa ka community centre ug library.
Ang mga gagmay nga bata naa sa SOS Kindergarten, dunay six group rooms ug abli kini sa mga bata gikan sa kasilinganan sa dapit.
Ang SOS Youth Facility kabahin sa proyekto.
Ang mga dagko na nga mga batang lalaki gikan sa SOS Children’s Village sagad ibalhin sa SOS Youth Facility kon magsugod na sa ilang vocational training course o mosulod sa taas nga ang-ang sa edukasyon.
Uban sa pagsuporta sa kuwalipikadong youth workers, napalambo ang matuod nga panglantaw sa umaabot, pagkat-on sa responsibilidad ug paghimo og mga desisyon sa kinabuhi.
Sila gitudloan og team spirit ug pagkutay sa ilang kabanay ug mga higala, lakip sa ubang tawo nga naa sa gawas sa sentro o pasilidad.
Sa 2007, ang SOS Children’s Villages nilusad sa mga programa nga gituyo sa pagsuporta sa mga pamilya nga risgo sa pagbiya sa ilang mga anak ug pag-aghat kanila sa hiniusang pag-ampo aron mas molig-on ang ilang relasyon sa pamilya.
Ang mga bata magtubo sa sentro nga puno sa kaalambo ug produktibo sa ilang pagbalik sa komunidad sa pagkahamtong, sulundong mga molupyo sa umaabot nga lider sa nasod. PR