ANG Aquino Coliseum Gallera kauban ang Experto Gamefowl Products Inc. gilusad usab niadtong Martes, Agosto 7.
Ang maong pag-abli og balik sa sikat nga sabongan sa manok sa siyudad sa Davao gipangulohan ni Nonoy Aquino, tag-iya ug Celso Evangelista, presidente sa Experto Gamefowl Products, Inc.
Sila Aquino ug Evangelista, uban ang top breeders sa nasud sama nila Bebot Uy, Jezzy Tan, Nito Nasser ug Manny Iba¤ez ang anaa sa ribbon cutting diin opisyal na gibuksan ang Experto Gamefowl Products-powered Aquino Coliseum Gallera.
"The main objective of Experto's partnership with Aquino Colesium Gallera is to share our technology and proper way of preparing game fowls most especially to the backyard breeders," pahayag ni Evangelista.
Dugang niya nga ang Experto di lang nagabaligya og produkto apan nagatudlo sab og pinaka-epektibong teknolohiya aron makatabang sa mga gagmay’ng "breeders" nga maka-prodyus og nindot nga kalidad sa away sa mga manok.
"More chickens produced, means more income for backyard breeders. This is why we want to share our technology of bio security, prevention of diseases and proper nutrition which improves wellness for domestic fowls," matud niya.
Human niini, dunay gihimong duha ka away sa mga manok diin gitambongan kini sa mga sabungero gikan sa Davao, Tagum ug Panabo.
Duna say gihimong pa-raffle diin ang mga midaug nakadawat og produkto sa Experto. (Adam B. Morell)